靚芝麻's profile生活中の芝味PhotosBlogListsMore  |  Tools Help |
生活中の芝味遠離這個現實世界 |
||||||||||||||||
|
May 18 韓國首爾五天遊@May/11-15,2008二OO八年五月十一曰至十五日 (星期日至星期四) 陰,陰,微雨,晴,晴, 10-23度
韓國首爾五天遊 (SES05-PRO)
共 : 15人
旅行社 : 康記
團費 : HKD2199
早去晚返 ~ 去 : 大韓機(KE 608) 00:25 / 04:55
返 : 大韓機(KE 607) 19:55 / 22:50
時差: 快香港一粒鍾
酒店 : Co'op Residence (三花)
口頭禪 : 行程好簡單 / 自由核突
因為係零晨機 00:25 起飛, 所以前一晚星期六, 22:00要到機場, 飛到韓國係清晨 04:55(韓國時間), 真係好早呀, 天光呀 !!!
冇得訓呀, 即刻開始行程, 開始玩玩玩喇...
第一日 : 南山公園 ---> 南山韓屋村 ---> 華克山莊豪華賭場 ---> COEX 購物城 (午餐:石頭飯, 韓式火鍋)
第二日 : 仁寺洞 ---> SSAMZIEGIL ---> 東大門 ---> TIGER WORLD 溫泉水上樂園 (晚餐 : 冬蟲草人蔘燉雞)
第三日 : 夢幻世界 (晚餐 : 秘製燒烤豬肉)
第四日 : 人蔘專賣廳 ---> 冬蟲夏草護肝寶專門店 ---> 韓國化妝品專門店 ---> 韓食 DIY[大長今]生活體驗, 親手造韓國泡菜 ---> 試穿韓國傳統服裝 ---> 明洞 ---> 南大門 (午餐 : 硫磺鴨餐)
第五日 : 青瓦台總統府門外參觀 ---> 水晶城 ---> 新村梨花女大學購物區 ---> 土產店 (午餐 : 地道韓式燒烤) ( 晚餐 : 飛機上)
April 19 一天遊@澳門二OO八年四月十三日, 星期日, 陰天及微雨, 18-24度
好早呀, 朝早六點半要出門口呀, 七點半到信徳碼頭, 買埋個早餐, 八點正上船出發...
大約九點落船呀, 過埋關差唔多九點半..開始澳門一天遊喇...時間好緊迫呀呀...GOGOGO..
行桯 : 旅遊塔 --->二龍喉公園坐纜車 ---> 禮記食雪糕 ---> 大三巴, 褔隆新街(吃午飯) ---> 漁人碼頭 ---> 氹仔官也街(食晚飯) ---> 參觀威尼斯人 ---> 回碼頭走..
坐船時已經落梗微雨, 上到旅遊塔時咩都睇唔到, 全部白茫茫, 所以就只好影O下室內 D 景啦...
之後去二龍喉公園點知因天雨關係所以纜車暫停....
食完雪糕, 食完午飯就去大三巴, 炮台...(仲試左 "台灣帝鈞胡椒餅" , 不過排隊, 排O左半個鐘呀...)
跟住去漁人碼頭...
係碼頭再搭車去氹仔, 食水蟹粥, 買手信..再去參觀威尼斯人呀....除左賭場之外, 梗係要去室內過條 "大運河" 啦...
嘩...行O下行O下已經十點幾喇, 就番碼頭坐十一點船番香港喇...好攰呀, 行左成日呀....
March 19 長隆歡樂世界@番愚第二天二OO八年三月十六日, 星期日, 晴, 18-25度
八點幾起身, 梳洗一番後, 九點到落去食早餐啦, 落到去位都差唔多FULL晒呀, 原來有D枱係同兩隻白老虎隔住一道玻璃黎坐呀, (佢係出面行來行去, 你就坐係佢隔離食早餐), 不過坐唔到 LEE D 位啦, 成日都會比人坐晒...不過食物都算多款式O既, 味道OK 啦...不過友人A 話佢好似食左琴晚個杯麵唔舒服呀, 所以食到十點到再返上房休息一陣...
十一點到就去長隆歡樂世界 D 機動遊戲進發啦, 之前上網睇天氣話會落雨, 點知仲好陽光普照TIM, 都幾曬呀...
嘩, 入場後比想像中多好多人呀, 全部機動都打晒蛇餅呀, 其實時間都好緊迫呀, 因每日最後一班船係下晏六點, 要預番四個字前入閘, 仲要半毎鐘車程先返到碼頭, 即是要五點要搭返長隆巴士去碼頭...所以一定玩唔晒啦, 所以唯有揀D必玩遊戲啦, "十環過山車", "摩托電單車", "沖天大擺錘", "U 型滑版", 重點"垂直過山車王" 啦... GO, GO, GO....
先係"十環過山王"先, 不過幾十個蛇餅呀, 排左成個鐘呀, 差唔多輸到我O既時候, D大陸人又作怪喇, 排排O下排到亂晒, 就梗係有人打尖啦, 但竟然係冇人出聲話打尖過個人呀, 我地咪出聲話打尖過個大叔啦, 但其他人仲好似覺得我地有問題咁, 之後就全部跟住打尖過個一齊行喎, ( 唉..完全係冇文化..冇教育...), 又係幾經辛苦終於都有得玩喇, ...嘩..嘩...嘩...嘩咁快就坐完呀, 都唔知有冇一分鐘呀, 好快轉左十個圈, 但好以唔覺咁呀, 好玩呀, 比想像中激呀...
之後去下一個遊戲 "摩托電單車", 一樣啦又係蛇餅, 無辦法啦, 都要排啦..排左幾個字後, 見到有人突然起哄, 原來有個細路, 唔知佢邊到走出黎, 唔知係邊到撞到個頭, 流晒血, 越流越多, 成面都係血, 好恐怖呀, 之後d 工作人員即刻抱左佢走..之後排多陣, 友人A話佢好唔舒服, 想坐一陣呀, 佢話今日都係玩唔到啦...咁我地唯有做睇D 靜態D O既野啦, 行左精品店, 去睇左四維影院(4D), 睇左大巡遊...唯有下次再挑戰過山王啦, 不過, 過山車王真係好高呀, 三十二層樓垂直咁沖落黎...下次最好平日去呀, 假期實在太多人啦....
行到四點半到, 再去返長隆酒店大堂等SHUTTLE BUS 去返蓮花港碼頭, 坐六點船走 LU.... 長隆大馬戲@番禺第一天二OO八年三月十五日, ,星期六, 晴, 18-24度.
原定計劃應該一朝早坐七點幾船, 但因(同事A)話同唔到我調短週, 所以要等到收工先可以出發喇, 結果要變成坐 13:50 的船啦, 十二點收工就去中港城, 因為要坐成二個鍾頭船呀, 所以就係中港城上面食碗雲吞麵, 要成廿蚊, 得過細細碗, d 麵 超少超細份,得一啖咁呀, 食食o下先見到隔離過間好抵食, 廿幾蚊仲送埋野飲, 激死人喇, 點解我成日都係咁o架, 之後唔夠飽, 去左麥記買多個包上船食...可能係晏就啦, 上船都唔係太多人(梗係啦, 個個都坐晨早班船啦)...
足足兩個鐘頭後, 終於到O左廣州蓮花港喇, 之後坐免費SHUTTLE BUS 去長隆酒店喇, 原來都幾遠呀, 要半個鐘車程先到酒店, BOOK O既時候貪佢近馬戲同機動樂園, 再者係星期六所以旅行社話普通房FULL 左, 要加多百三蚊UPGRADE 做DELUXE ROOM, 諗住會好豪華啦, 點知問個酒店只係話房SIZE 係一樣, 只係個 VIEW 唔同O架O乍, 上到房即刻睇O下係咁VIEW 啦, 原來只係對住個泳池, 但個泳池都唔靚, 係得個廁所較為大 D LAW (好攪笑,廁所有兩道門, 哈哈)...其他都係同一般STANDARD ROOM 差唔多...
不過間酒店好似係個荒島咁呀, 周圍都冇餐廳, LEE 個時候有D 驚有晚過餐, 點算好....
係酒店攤左陣, 差唔多七點就行過去睇馬戲喇, 入到去只係見到一個小食亭, 有雞比, 熱狗腸, 牛腩, 餃子....超多人買, 食左熱狗腸同餃子, 但唔好食, 七點幾個場都差唔多坐滿啦, 好彩早D 入黎霸定位, 正式開 SHOW 啦, 音響, 燈光同表演者都做得好好, 好華麗, 好立體, 好精彩, 好生動, 不過我覺得最好睇都係玩巨輪過四大猛男呀, 一個字"勁", 睇O下睇O下, 唔覺唔覺, 就做左個幾鐘呀, 咁快就完左呀, 謝幕喇...
.
不過, 大陸此終都係大陸, D 人一D 公德心都冇, 坐我前面有個細路七,八歲到啦, 個阿媽坐係佢隔離都唔會帶個佢個女去廁所, 就由得佢隨地柯尿, 散場時仲衰, 通道上D 樓梯成地都係食完O既粟米, 雞骨, 勁嘔心, 行O既時候真係要小心冀冀呀, 唔係就會中招..唉, 所以我一路唔返大陸玩O既諗法係O岩呀...
出番場後, 係八點四十五分到, 頭先食過D 小食又唔夠飽喎, 周圍又冇野食, 所以就搭番長隆D 免費巴士去地鐵站, 再搵野食,(搭LEE D 免費巴士D 大陸人又係唔排隊架, 完全冇文化, 好唔容易先上到車..) 去到地鐵站都唔知邊個站有野食買, 搭得遠過D, 去到又怕佢會關門, 所以問人後, 話"市橋" 會有野食買, 於是由 "溪漢長隆"站, 搭一個站去 "市橋"站, 出左站後, 眼只係見到一間超市, 行到好遠都冇野食買, 所以為有係超市買左個杯麵,綠茶同小食返酒店食啦, 再搭番地鐵加長隆巴士, 返酒店開餐啦...
就係咁, 就過左假期O既第一天啦.....
March 10 櫻花@長洲三月九日二OO八年,星期日, 晴, 16-21度.
原定早上11:00要出問口但遲左啦, mi mi mo mo 攪到 11:30 先出門口搭962 去到中環碼頭, 落車後錯過左12:30 班船tim, 於是去返 ifc 行一陣, 買埋小小野食, 再搭 13:30 班船啦,
船程大約 50 min, 14:20 落船, 終於到達長洲啦...於是即刻向目標出發......
東灣路 ---> 東灣海灘 ---> 經華威洒店 --> 長洲體育路(斜路) --> 轉入觀音灣路 -->關公忠義亭(櫻花所在地)...
好唔容易咁終於都搵到呀, 因途中需要問人, 好彩比我想像中少人, 我睇 lee 到應該有十多櫻花, 但而家只係開左一棵, 而lee 棵都開得好靚好荗盛, 好桃紅, 比我ga感覺似桃花多過似櫻花,
可能佢係台灣品種, 同日本過 d 唔同啦..
個花期去到三月尾, 再過多一星期到啦, 剩番未開過d 都會開晒呀, 到時應該會好靚呀....
睇完櫻花後, 就四圍逛o下啦, 難得黎到長洲ma, 食左紅豆餅, 炸大薯片, 大粒魚蛋......好多好多, 但到到都好多人, 様様都要排隊買先有得食呀...
食o下行o下, 都得飽飽地, 而且大陽伯伯都收工啦, 所以就坐番 18:30 船走 lu....
長洲 ~ 後會有期啦 !!! bye ~ January 28 曖昧曖昧讓人受盡委屈 找不到相愛的證據 何時該前進 何時該放棄 連擁抱都沒有勇氣 只能陪你到這裡 畢竟有些事不可以 超過了友情 還不到愛情 遠方就要下雨的風景 到底該不該哭泣 想太多是我還是你 我很不服氣 也開始懷疑 眼前的人 是不是同一個 真實的你 ＊曖昧讓人受盡委屈 找不到相愛的證據 何時該前進 何時該放棄 連擁抱都沒有勇氣 曖昧讓人變得貪心 直到等待失去意義 無奈我和你 寫不出結局 放遺憾的美麗 停在這裡 December 28 X'mas@又一年喇 入去睇o下啦...仲有好多款式比你選 tim ar... X'mas o既有, http://www.zwani.com/graphics/christmas November 25 終於都搬o左@ nov.17,2007真係越搬越遠呀, 以前日日都係九龍區, 十分方便, 之後搬左去對面海, 要過多條隧道, 已經遠左, 不過搭車係隧道出左之後第一個站落車, 都係一程車到, 至少唔需要轉車, 遠左都已變作習慣了, 都番左兩年喇, 唉...好景真係不常呀, 而家又要搬啦, 又係越搬越遠呀..... 上個星期六, (即11月17日), 終於都搬o左 ~ 鰂魚涌 ~, 一個我十年都唔去一次o既地方, 而家要日日晨早起身去番工啦... July 14 NDS Mario Kart WiFi Friend codeNDS o既 Mario Kart (孖寶賽車) WiFi friend code 呀.. 有玩開o既話一齊黎玩丫. add 我啦.. Friend Code : 111774 - 330793 Name： gigi
|
|
||||||||||||||
|
|
